Velkomin!!!

Eintómir terroristar

Tue, 04 Mar 2008 22:39:07 GMT

Jæja.. þá er komið að því að uppfæra ykkur aðeins elskurnar...

Síðan síðast er sko heilmargt búið að gerast og ég vildi að ég hefði tíma til að blogga hér á hverjum degi því að af nógu er að taka. Við Guðrún erum að kynnast krökkunum betur og stefnum á að fara á handboltaleik hér í Viborg á morgun með skólanum og síðan á djammið á fimmtudaginn en halda síðan til Köben á föstudaginn. Okkur heyrist að planið sé að fara á einhvern karókí-bar en það verður eflaust fínasta skemmtun!

Í síðustu viku fórum við og versluðum okkur í matinn til að eiga eitthvað í morgunmat og þegar við vorum að fara úr búðinni rákum við augun í þennan líka glæsilega frysti sem var fullur af allskonar girnilegum ísum og ákváðum við nú að gera okkur glaðan dag og fjárfesta í einum slíkum. Við völdum okkur þennan fínasta vannilluís og fórum með hann uppá herbergi og síðan í kvöldmat. Þegar við komum úr kvöldmat vorum við búnar að redda okkur skeiðum til að éta ísinn með og hlökkuðum mikið til að háma hann í okkur... Þegar ég síðan tók fyrsta bitann fannst mér ísinn eitthvað frekar skrítinn á bragðið og fór að lesa utan á hann... viti menn... við höfðum keypt TOFU ís!!!! Ég vissi ekki einu sinni að það væri til... En við mælum ekki með honum, hann var sko ekkert spes! En við fórum nú í bæinn daginn eftir og fengum góðan ís þannig að það varð enginn skaði skeður....

Um helgina fórum við svo og heimsóttum Árna Björn (Á-ddna Bjö-ddn) til Århus þar sem hann er jú í skóla. Helgin var ekkert smá fljót að líða og var ansi skemmtileg! Djömmuðum helling og kíktum í bæinn og skemmtum okkur konunglega! Þegar við vorum í bænum á laugardagskvöldið urðum við vitni að (nánast) hryðjuverkaárás, en þegar við stóðum í biðröð fyrir utan einn skemmtistaðinn heyrðum við allt í einu brothljóð og þvílíkan hávaða og þá komu ca 8 gaurar með lambhúshettur askvaðandi, grýttu skemmtistaðinn allan að utan með grjóti, börðu dyravörðinn og voru svo horfnir aftur eins og hendi hefði verið veifað. Þetta var ansi spennandi en við vorum mjög lengi bara að fatta hvað hefði eiginlega verið í gangi...!!

Hérna er síðan ég í ansi mikið gúddí fílíng í miðbænum...

Hafið það annars gott vænu hænur... vona að öllum í bekknum gangi vel í vettvangsnáminu og að öllum hinum gangi bara vel í lífinu og svona. Endilega skellið inn smá kommenti svo maður viti nú af ykkur...

Hej hej....

Danaveldi

Mon, 25 Feb 2008 12:12:37 GMT

Hér kemur örstutt blogg um það sem gerst hefur það sem af er ferðarinnar :haha:

Við G erum komnar á hjól! Yndislega dönsk og kellingaleg hjól með körfu og bögglabera og allt saman! G fekk gult og ég fékk bleikt, þannig að lífið gæti nú ekki verið öllu yndislegra! Stefnum á að spóka okkur á þeim í miðbænum á eftir.. :d

Erum búin að vera í Köben og éta á okkur gat og drekka aðeins of mikið af óhollum drykkjum. Skelltum okkur á kokteilbar eitt kvöldið.. það var bara nett.

Eeeen það sem af er dags... nokkrir punktar:

07:00 RÆS
07:55 Morgunsamkoma þar sem við kynntum okkur fyrir nemendunum... FJÖ-HÖ-HÖR!
08:15 Íþróttir útí húsi undir leiðsögn Johnny þar sem við dönsuðum, hlupum og skemmtum okkur, og viti menn! Danir kunna Diskólögguna!!! Ekkert smá gaman
10:00 Skutla Frosta á lestarstöðina því hann var að fara til Århus
10:15 Hitta kennarana og redda hinu og þessu.. fá svona flest á hreint
12:00 MATUR! Mmmmm.....

Oooog það sem er framundan í dag:

Núna: Smá að leggja sig
Síðan: Miðbærinn... klárlega! Versla og svonna
15:30: Blak útí húsi
19:00 Kvöldmatur
20:00 Aftur í blak
Oooog svo leggja sig svona einhverntímann

En jæja.. það er legg... lofa að henda einhverju inn við tækifæri... Fylgjast með, People!

Farvel...;)

Smávegis um mig....

Sun, 30 Dec 2007 14:32:13 GMT

1. Where will you be when it turns 2008?

Heima í Fellabæ

2. What time did you fall asleep last night?

Um hálf3

3. What are you listening to right now?

FM957

4. Has the death of a celebrity ever made you cry?

Jahh.. ekki svo ég muni...

5. What are you doing today?

Vinna á Café Nielsen

6. Do you own an iPod?

Jább

7. What was the first thing you thought this morning?

Uuu.. bara hvað ég væri merkilega lítið þreytt... og að ég þyrfti að fara að skipta um vekjaraklukkuhringingu..

8. What would be your ideal job?

Uuu.. Eitthvað sveigjanlegt, krefjandi og skemmtilegt þar sem ég fengi að ráða helling og sæi einhvern tilgang í að gera... Langar til dæmis hrikalega til að fara bara til Afríku og láta til mín taka eða eitthvað... það væri klikkað! Hehe...

9. What will you do tonight?

Tjahh.. vinna til miðnættis og svo bara heim eða eitthvað...

10. What's your favorite memory from last weekend?

Hahaha... þegar ég skrúfaði í sundur vatnslásinn á ballstaðnum til að ná hringnum mínum.. af því ég missti hann í vaskinn... og mér tókst það... berhentri!!! =) Hehe...

11. What are the last two digits of your phone number?

12. What was the last thing you ate?

Pönnukökur með sýrópi í morgunmat hjá mömmu.. mmm...

13. What was last thing you drank?

ACE-safi

14. What was the last movie you watched?

Little Miss Sunshine áður en ég sofnaði í gær

19. What is your favorite piece of jewelry?

Úff... þykir svo vænt um skartgripina mína að það telst varla eðlilegt...

3 af uppáhalds eru að vísu týndir... 2 hringir og 1 hálsmen en þetta er svona eitthvað af uppáhaldinu:Silfurhringur sem ég fékk frá systkinum mínum í útskriftargjöfÚrið mitt sem Frosti gaf mér í útskriftargjöf. Er alveg brotin því það er í viðgerð... ætla rétt að vona að það sé allt í lagi með það!Hálsmen og eyrnalokkar sem Frosti gaf mér í jólagjöf 2007Og svoooooo margt margt fleira!

20. Name someone on your Top Friends who is just like you.

Uuuu... ætli það sé nokkur? Kannski Nonni bróðir...

21. You're playing blackjack. You're dealt a jack and a seven. What do you do?

Hehe... ég er svo mikill áhættupúki... ætli maður fengi sér ekki eitt spil í viðbót?

22. Who last text messaged you?

Frosti

23. Are you on any medication?

Jább... Asma- og ofnæmislyfjum.

24. What side of the bed do you sleep on?

Hehe... er alltaf sagt að ég sofi karlmannsmegin... semsagt alltaf fyrir utan.. Frosti fær vegginn.

25. What color shirt are you wearing?

Gulri

26. What is your favorite frozen treat?

Ís?

27. What are you going to do tomorrow?

ÁRAMÓT!!! Borða góðan mat, hanga með fjölskyldur og vinum. DJAMMA!

28. What's your favorite store?

Bónus? Nei djók.. uu.. búð sem heitir GARBITCH og er á litlu göngugötunni í Viborg

29. Are you thirsty right now?

Kannski smá...

30. Who's someone you haven't seen in a while and miss?

Ja... langt síðan ég hef hitt Hjördísi Ósk, Hildi og hina krakkana úr bekknum.. Líka Örnu, Jónsa og fjölskyldur. Og Frosta.. hann er bara í sveitinni...

31. What did you do last night?

Vinna vinna vinna...

32. Do you care what people think about you?

Já auðvitað... samt alveg innan eðlilegra marka held ég... færi ekkert að breyta mér fyrir aðra en vil auðvitað að fólki finnist ég fínn gaur... :)

33. Have you ever done something to instigate trouble?

Uuuu...

34. Do you play an instrument?

Jájá... kann á píanó og pínu á gítar, blokkflautu og þverflautu.. Svo er ég meistari á tambúrínu og kasú. Langar samt mest til að kunna á fiðlu.. asnalegt að eiga fiðlu en geta ekkert spilað á hana...

35. What are your font colors on AIM?

Hvað er AIM??

36. Where do you live?

Bý á Laugarvatni á meðan ég er í skólanum en verð nú alltaf Fellbæingur...

37. Are you aggressive?

Svona innan vissra marka held ég...

38. Mobile Phone Network?

Heee?

39. What are you listening to now?

Ennþá FM957

40. What is the thing that you would most like to change about yourself?

Uuuu... þarf að fá einhvern umhugsunarfrest á þetta...

43. Whats your favorite color?

Flestir litir fallegir.. Grænn, gulur, bleikur, blár...

44. Do you like mustard?

Jább... sérstaklega á bjúgu!

45. What do you tell yourself when times get hard?

Að allt verði í lagi...

46. Would you ever sky-dive?

Hef sko gert það! Takk fyrir pent

47. Do you sleep on your side, tummy or back?

Hliðinni oftast..

48. Have you ever bid for something on eBay?

Nope

49. What do you think of Cary Grant?

Cary who?

50. Do you enjoy giving hugs?

Jájá...

52. Do you own a digital camera?

Jebb

54. Who is your favorite Star Wars character?

Star Wars?? Come on...

57. What are you allergic to?

Æjj þarf ég að telja það allt upp? Alltof margt! Núna deila fyrsta sætinu Kíví (ávöxturinn)og Loki, hundurinn hans Nonna.

59. Do you ever feel guilty after eating meat?

Jaaaa... Nei?

60. If you were born the opposite sex, what would your name be?

Tjahh... Hjördísus Mörtus?

Hverjir pant senda einhverja á þetta námskeið?

Sat, 01 Dec 2007 00:07:15 GMT

ALLIR VELKOMNIR
AÐEINS FYRIR KARLA
Athugasemd: námskeiðin eru flókin þannig að
aðeins átta geta sótt hvert námskeið
Hvert námskeið tekur tvo daga og efnið er eftirfarandi:

FYRRI DAGUR:

HVERNIG Á AÐ FYLLA ÍSMOLAMÓT
Skref fyrir skref með glærusýningu

       KLÓSETTRÚLLUR - VAXA ÞÆR Á KLÓSETTRÚLLUHALDARANUM?
                           Hringborðsumræður

MUNURINN Á RUSLAFÖTUM OG GÓLFI
Æfingar með körfuefni (teikningar og módel)

DISKAR OG HNÍFAPÖR: FER ÞETTA
                 SJÁLFKRAFA Í VASKINN EÐA UPPÞVOTTAVÉLINA?
                 Pallborðsumræður - nokkrir sérfræðingar

      AÐ TAPA GETUNNI
           Að missa fjarstýringuna til makans - Stuðningshópar

LÆRA AÐ FINNA HLUTI
               Byrja að leita á réttum stöðum í stað þess
                 að snúa húsinu við gargandi - Opin umræða

SEINNI DAGUR

    TÓMAR MJÓLKURFERNUR; EIGA ÞÆR AÐ VERA Í ÍSSKÁPNUM EÐA Í RUSLINU?
                         Hópvinna og hlutverkaleikir

HEILSUVAKT; ÞAÐ ER EKKI HÆTTULEGT
HEILSUNNI AÐ GEFA HENNI BLÓM

PowerPoint kynning

ER ERFÐAFRÆÐILEGA ÓMÖGULEGT
                   AÐ SITJA ÞEGJANDI MEÐAN HÚN LEGGUR BÍL?
                                  Ökuhermir

    AÐ BÚA MEÐ FULLORÐNUM; GRUNDVALLARMUNUR
                    Á ÞVÍ AÐ BÚA MEÐ MÖMMU ÞINNI OG MAKA
                      Fyrirlestur og hlutverkaleikir

HVERNIG Á AÐ FARA MEÐ EIGINKONUNNI Í BÚÐIR
Slökunaræfingar, hugleiðsla og öndunartækni

AÐ MUNA MIKILVÆGAR DAGSETNINGAR
                       OG AÐ HRINGJA ÞEGAR ÞÉR SEINKAR
                      Komdu með dagatalið þitt í tímann

AÐ LÆRA AÐ LIFA MEÐ ÞVÍ
                       AÐ HAFA ALLTAF RANGT FYRIR SÉR!
                        Einstaklingsráðgjöf og samtöl

SANNIR KARLMENN SPYRJA TIL VEGAR ÞEGAR ÞEIR VILLAST

Sönn saga frá manninum sem spurði til vegar

Skráningar á námskeiðið í comment...

SKO!

Wed, 04 Apr 2007 00:12:23 GMT

Má ég lýsa yfir óóóóógeðslega mikilli gremju yfir þessu helvítis sko-símfyrirtæki!!!!

EKKI SKRÁ YKKUR Í ÞAÐ!

Lét gabba mig út í að skrá mig úr símanum og yfir í SKO þar sem það átti allt saman að vera svo ódýrt og frábært. Þetta er svoooo mikil glæpastarfsemi og mér líður svo hræðilega að hafa verið plötuð í þetta að það er hræðilegt! Þetta er sko búið að kosta mig fleiri fleiri fleiri peninga og er allt saman eitthvað svo glatað og ömurlegt að það sökkar!

Sko... ætlaði ekki að flytja símanúmerið mitt fyrr en um mánaðarmót þar sem ég er alltaf að borga einhverja vissa upphæð hjá símanum og á að nota alltaf lágmark 990 kr hjá sko á mánuði...þannig að að sjálfsögðu var lang snjallast að skipta um mánaðarmót. En síðan ákváðu sko að flytja númerið mitt einhverntímann í miðri viku og þegar ég hringdi á þeim tíma sem þetta fjandans "þjónustuver" er opið (sem gerir ekki rassgat og er ömurlegt) fékk ég bara þau svör að þetta væri komið of langt í ferlinu að það væri ekkert hægt að gera. Þá var ég stödd í skíðaferð á Akureyri og SKO símkortið á Laugarvatni. Þá fékk ég kortið sent til ömmu og afa á Dalvík en var samt sem áður símalaus í marga daga þar sem ég gat ekki notað kortið mitt frá símanum og kortið frá sko var á laugarvatni. Þannig að þá keypti ég mér nýtt númer hjá símanum þar til ég fékk kortið frá SKO.

Þannig að samtals er þetta sko búið að kosta mig:

3000 kr í nýtt símakort frá símanum
2990 kr í ónýttan símareikning hjá símanum
990 kr í ónýttan símareikning hjá SKO
500 kr í þjónustugjald fyrir að fá sent nýtt símakort
Ógeðslega mikið óþarfa vesen
Mikla geðvonsku og pirring

Svo er líka eitt... það er bara frítt að hringja sko í sko til 1. júní, þá kostar alltaf 14,90 að hringja í öll númer. ÖMURLEGA HELVÍTIS DRASL!!! Það er nú aldeilis tilboð!

Og svo er ekki heldur frelsi í útlöndum hjá þeim þannig að ég verð símalaus á kanarí næstu 2 vikurnar. Og svo er ekki hægt að hringja til að fá upplýsingar um innistæðu.. og hvergi hægt að kaupa sér innistæðu nema á netinu.. .þannig að þetta sökkar biggtæm!

Þannig að ég óska þeim sem fundu upp þetta kerfi og auglýsingarnar fyrir það innilega til hamingju og megi þeir vera með króníska drullu til æviloka!

Ykkur hinum óska ég samt gleðilegra páska og vona að þið hafið það sem best yfir páskana, ég hugsa til ykkar á kanarí! Múhahaha...

Takk fyrir takk!

Ertu ólétt?

Thu, 01 Feb 2007 22:56:33 GMT

Þetta er náttúrulega spurning sem allir elska! Fæ hana svona 1x-2x á ári frá einhverjum fimleikakrakkanum sem ég er að þjálfa... og þetta skipti var í dag! Það var nú upplífgandi.. en bara svona til að hafa það á hreinu, þá er ég það ekki! Henni fannst ég bara líta út fyrir það... Gott? Held ekki...

Skrapp á Selfoss áðan til að horfa á leik Hamars-Selfoss á móti Skallagrími. Oooog Hamar töpuðu svo illa... Frosti skammaðist sín nú smá að ég, Birkir, Stebba og krakkarnir hennar hefðum akkúrat komið á þennan leik.. þetta var víst ekki heppilegasti leikurinn, en þetta var nú samt bara gaman.

Síðan skellti ég mér til Danmerkur í síðustu viku... Byrjaði á að kíkja á Örnu og fjölskyldu og var hjá þeim í 2 daga.. og það var ekkert smá skemmtilegt! Anna Marta er náttla bara snillingur og Jóhann Emil virðist ekki ætla að verða síðri..
Síðan þar á eftir fór ég til Köben í heimsókn til Fanneyjar sem átti afmæli. Eyddum þremur æðislegum dögum á strikinu.. hugsa að Fanney sé búin að fá nóg af strikinu fyrir lífstíð eftir mína dvöl hjá henni... hehe.. Verslaði nú samt alveg skammarlega lítið..
Skruppum á djammið á föstudagskvöldinu og Ó MÆ GAD! Sá held ég mestu selebbrití sem ég hef á ævi minni séð... 2 af 3 leikurum í "Drengene fra Angora" sem eru mestu snilldar þættir sem ég veit um! Þeir sátu sumsé á næsta borði við okkur á kokteilbarnum! Annar þeirra sat meira að segja við hliðina á mér!!!.. Þótt svo voða fáir hér heima viti hvað ég er að tala um þá geta þeir bara tékkað á þessu og þá fatta þeir hvað ég er að meina. Það var allavega alveg geggjað og Fanney vissi ekki alveg hvernig hún átti nú að láta þegar ég byrjaði að slefa, fá flog, pissa á mig og bíta í tunguna á mér allt í einu af spenningi þannig að þetta var mjög skemmtilegt! :haha:

Svo er bara spurningin hvort maður ætti að skella sér á þorrablót á Jökuldal 10. febrúar. Langar alveg hræðilega mikið en veit ekki alveg hvort ég tími að fara.. Gæti verið gott að eiga peninginn þegar maður skellir sér til Kanarí held ég.. Hey já, ég er að fara til Kanarí! Hlakka ekkert smá mikið til! Fer með Frosta og fjölskyldunni hans og við verðum í 2 vikur... get varla beðið! Sól, hvítar baðstrendur, flott hótel, afslöppun og bikini-far! Þetta verður bara snilld!

Er nú að spá í að hætta að blogga núna... endilega kvittiði fyrir komu ykkar.. =)

Hjördís Marta

Blogg?

Thu, 07 Dec 2006 20:54:01 GMT

Núna er skólinn búinn hér í ÍKÍ og komið að prófum. Er búin að fara í eitt próf og eitt eftir, erum að fara í líffæra- og lífeðlisfræði próf á mánudaginn. Það verður pottþétt geeeeggjað stuð!
Held mér hafi bara gengið ágætlega í síðasta prófi, vanmat kennarann svolítið og bjóst við að prófið yrði skítlétt, sem það varð ekki alveg, en maður lærir nú bara af því. Árni t.d. sannfærði mig um það að "Tóný Kjellinn" (Anton Bjarna = Kennarinn) færi aaaaaldrei að spyrja út úr heilastarfseminni á þessu prófi þannig að ég sleppti því bara að læra það, en viti menn.. það komu 2 spurningar í sambandi við heilann og mænuna og eitthvað.... Takk Árni! :lol:

Annars hafa síðustu dagar bara einkennst voða mikið af lærdómi, fór að vísu í myndatöku í gær, átti alltaf eftir að fara í stúdentamyndatökuna og skellti mér til hennar Siggu í Hafnarfjörðinn í myndatöku. Það var alveg geggjað gaman, fórum í einhvern listigarð þarna í Hafnarfirði og tókum myndir úti í -5°c frosti, og ég í hnébuxum og hlýrabol. Afrekaði það að fljúga á hausinn í hálkunni og skrapa á mér hnéð og hendina og fékk blóð í hvítu dragtina mína og svona, en það var bara ótrúlega fyndið. Hún Sigga ætlar nú bara að photo-shop-a það út fyrir mig þannig að það reddast vonandi allt saman. Voða týpískt ég, að fara í voða fína myndatöku og fljúga á hausinn og fá blóð útum allt! Hahaha...

Hey já, ég kíkti líka í bíó á Saw III og hún er svoooo mikill viðbjóður! Sá hana að vísu ekki nærri alla, þar sem ég labbaði út eftir ca 15 mínútur... Mér misbauð svo geðveikt og þetta var bara svooo ógeðslegt! Þannig að ég mæli ekki með þessari mynd fyrir þá sem vilja halda geðheilsunni sinni þokkalega í lagi. Mér allavega fannst hún ekkert frábær og mæli ekkert með henni fyrir venjulegt fólk.

Svo er próflokahellering hér 11. des eftir prófið, æjj hvað það verður gaman! Erum búin að fá á leigu eitt stykki einbýlishús með sundlaug og ætlum að vera þar til 12. des og djamma, sjettörenn hvað það verður gaman!

Og svo er maður rétt að fara heim í jólafrí! Og svo er ég alveg að fara að eiga afmæli! Úff hvað það er allt að gerast hérna! :haha:

Bleeeeess...
Kooooommenta?

Jólin

Sat, 25 Nov 2006 18:07:51 GMT

Það mætti næstum halda að jólasveinninn sjálfur væri pabbi minn, svo mikið hlakka ég til jólanna! Fór til Selfoss áðan og það er búið að skreyta alveg ótrúlega mikið! Komnar seríur í eiginlega öll trén á aðalgötunni og búið að skreyta merkilega mörg hús og verslanir og allt bara... svo maður nefni nú ekki Smáralind og Kringluna!

Skrapp heim um síðustu helgi. Þar var jólatréð komið upp við Kaupfélagið en samt eiginlega ekkert jólaskraut.. Við mamma ruddumst í það að baka nokkrar smákökur... gerðum alveg 2 sortir, takk fyrir pent! Aðstoð mín var nú samt frekar takmörkuð en maður bætir nú úr því þegar maður kemur heim í jólafrí! ;) Við erum nú nefnilega í heilan mánuð í jólafríi! Síðasti skóladagurinn er á mánudaginn og svo eru bara 2 hlutapróf eftir sem verða 2 næstu mánudaga eftir það og svo er maður bara þotinn heim í Fellabæinn! Okkur Frosta er að vísu boðið á jólahlaðborð 16. des en ætli maður beili nú ekki á því, langar nú að vera heima á afmælinu mínu og svona...

Er núna að hlusta á diskinn 100 íslensk jólalög, þvílík snilld sem sá diskur er! Alveg að redda mér hérna! Ég held samt að ég sé næstum eina jólabarnið á þessu heimili (þ.e.a.s. hér á vistinni) því hér er fólk alltaf að væla yfir því að það sé allt of snemmt að vera byrjaður að skreyta. Mér finnst það nú bara allt í lagi að fólk sé byrjað! Þetta er nú kannski í fyrri kanntinum, en aðventan er nú rétt að koma þannig að mér finnst þetta bara allt í lagi! Ég ætla sko að gera fínt hérna allavega fyrir jólin, og það sem fyrst!!! ;)

Ég er meira að segja búin að fá jóladagatal! Mamma færði okkur Frosta jóladagatal frá Kanada, sem telur niður alla leið fram að áramótum! Með 32 gluggum!!! Algjör snilld! 8) Frosti veit að vísu ekki ennþá að við eigum það saman... hef ekkert deilt því með honum ennþá. Ætli hann komist ekki að því núna... hehe :lol:

En já.. hugsa að flestir séu búnir að ná því hvað ég hlakka mikið til jólanna... þegar allir krakkarnir koma heim í jólafrí og svona! Vúppídú....

Alltílæbless....
Hjördís Marta Jólabarn!

Jahá...

Tue, 21 Nov 2006 10:17:36 GMT

Jæja... erum við að tala um 16 KLST Á VIKU í íþróttum og sundi alla næstu önn eða?? Og þá erum við bara að tala um skólaíþróttir, svo eru eftir þeir tímar sem maður æfir sjálfur!

Tjahh....

Bloggtími

Tue, 31 Oct 2006 19:16:37 GMT

Hæ hæ...

Núna er leynivinavikan búin og komið í ljós að Freysi var leynivinurinn minn. En ég ætla samt að skella hérna inn síðustu bréfunum og gjöfunum sem ég fékk bara svona til gamans. :D

Einn daginn fékk ég bréf og gjöf sem hljómaði svona:

Nú er að kólna, en það er samt frábært að fara í göngur á vatninu. Þá kemur hitabrúsi sér vel fyrir kaffi eða kakó. Svo smá nammi með. =) Kv. Leynó.

Með þessum pakka fékk ég appelsínugulan hitabrúsa og nammi. :)

Síðan þegar við vorum í tíma í lífeðlisfræði komu 2 strákar inn í skólastofuna með 2 ilmkerti og nudduðu mig og Bjarneyju. Með þessu fékk ég bréf:

Þetta kerti og slökunarnudd er í boði leynó. Slakaðu á og horfðu á logann. Lífið er yndislegt alveg eins og þú.

Krúttlegt...

Síðan síðasta daginn þegar við vorum í óðaönn við að undirbúa okkur fyrir ballið og ég að mála og greiða Guðrúnu þá labbaði einn strákur inn í herbergið með skókassa handa mér. Ofan á skókassanum var bréf sem var fest niður með svona skraut-regnhlífum á tannstönglum. Ótrúlega fyndið. Í bréfinu stóð:

Þá er þessu lokið brátt,
Fáðu þér góðan drykk í glas
Það er sko ekkert bras.
Kæri vinur...
Vinátta er ekki búin til,
Hún skapast!

Kveðja Leynó.

Og inni í kassanum voru 2 breezer-ar! :D

Mega gaman í svona leynivinaleikjum! Var bara meiriháttar sátt! :D

En að öðru...

Fór í klippingu
- Er með stall...
- Finnst það töff...
Er að fara að keppa í blaki á morgun
- Hlakka geðveikt til
- Ætla að smassa alla út!
Skrópaði í tíma í dag
- Það var ekki planað
- Gerðist eiginlega bara af því að ég sullaði alltof miklum eplasafa yfir mig alla í hádegismatnum og var svo klístrug að ég varð að fara í sturtu.. :$
Var í verklegu fimleikaprófi í morgun
- Gekk bara vel
Var með krakkana mína hérna í UMFL á Íslandsmóti í fimleikum um helgina
- Fékk einn íslandsmeistara og fullt af öðrum peningum
- Það var gaman!
Var að spá að fara heim um helgina
- Það verður enginn heima
- Hugsa að ég verði bara hér í staðinn
Er svöng
- Ætla að fara að borða
- Blogga meira seinna

Kveðjur frá Laugarvatni! ;)
Hjördís Marta

Leynivinavika

Thu, 19 Oct 2006 22:57:54 GMT

Hæhæ...

Datt í hug að henda inn hérna eins og einni færslu fyrst ég er nú með tölvuna á annað borð og ekki að gera neitt sérstakt.. =)

Núna er byrjuð leynivinavika í skólanum og allir á milljón að dekra við leyninvinina sína. Ég er búin að vera þónokkuð hugguleg við minn, en það má ekkert segja strax hvað maður er búinn að gera svo vinurinn sjái það ekki.. ;)
Ég fékk bréf frá mínum í dag. Það var svona:

Sæl Hjördís mín
Voðalega ertu alltaf yndisleg. Hafðu góðan dag.
Smá ljóð sem ég samdi fyrir þig.

Verum vinir

Ég hitti þig
þú brosir voða sætt
við spjölluðum um heima og geima
en allt endar þetta á einn veg
mér finnst þú frábær
verum bara vinir

Kveðja Leynó.

Greinilega mikill hæfileikamaður þarna á ferð! Svo þegar ég kom út úr herberginu mínu í kvöldmatnum var haldapoki fyrir utan hurðina með poppi og appelsíni og miði:

Kæra Hjördís vinur minn

Fáðu þér popp og appelsín yfir góðri mynd í kvöld
Þú átt það skilið.

Kveðja Leynó

Klárlega allt að gerast! Leyfi ykkur að fylgjast með framhaldinu! ;)

Annars er ég að fara í klippingu og litun á Selfossi á morgun, veit ekki neeeett hvað ég ætti að gera við kollinn á mér. Ef einhver hefur góðar hugmyndir eru þær vel þegnar..

En núna ætla ég að halda áfram að horfa á sterkasti maður heims.. Jón Páll klárlega að meika það!

-Hjördís Marta, 100% leynivinur

Fyrsta háskólaprófið...

Sat, 30 Sep 2006 23:35:21 GMT

Úff.. ég er ekki frá því að ég sé að farast úr stressi...! Er að fara í 30% lokapróf í áfanga sem heitir "Inngangur að háskólanámi" á mánudaginn. Erum að fara í próf úr heimspeki-hluta og tölvur og málnotkun. Það sem hræðir mig mest er að þetta próf er nóg til að taka af manni öll námslánin ef maður fellur. En það stendur nú alls ekki til! :lol:

Er búin að sitja hérna heima hjá Möggu og Sillu og læra í nær allan dag.. Nú erum við Magga bara að tsjilla, horfa á Engla alheimsins og borða nammi. Silla beilaði á rólegheitakvöldi og er á leiðinni í bæinn með Heiðdísi Sóllilju.

En ég hef samt voða fátt fallegt að segja... aldrei að vita nema maður bloggi aftur þegar eitthvað gerist...

Hjördís Marta :haha:

Aðeins of langt síðan síðast?

Tue, 26 Sep 2006 21:00:35 GMT

Úff hvað það er orðið langt síðan maður hefur bloggað! Samt er alltaf eitthvað svo heimilislegt við það að setjast niður við tölvuna og skrifa nokkrar línur til að fólk geti fylgst smávegis með manni! Gott tilfinning, það! ;)

Sit núna á vistinni í herberginu okkar Frosta og hlusta á Íslensk ástarljóð. Ætti líklega mun frekar að vera að læra þar sem ég er klárlega ekki alveg búin að vera nógu dugleg við það upp á síðkastið, en ákvað frekar að kasta línu hérna inn. Gott ákvörðun?

Hérna gengur allt saman bara mjög vel, allt voðalega heimilislegt og fólkið vingjarnlegt. Gæti alveg hugsað mér að eyða næstu árum hér, en það kemur allt saman í ljós seinna, hvað maður gerir..

Fór í fimleika í dag, við erum að læra að kenna fimleika núna. Það var mjög skemmtilegt, margir að reyna eitthvað sem þeir hafa aldrei prófað áður með misgóðum árangri, en sem betur fer hafa engin stórslys orðið á fólki enn.. :D Á fimmtudaginn förum við að klifra svokallað grjótklifur, erum að læra hvernig hægt er að flétta útivist saman við venjulega kennslu í grunnskólum, það er mjög gaman bara!

Er líka byrjuð að æfa blak aftur, Jói "cosmo" sjálfur að kenna og það er bara fínt! Er búin að fara á 2 æfingar og líst bara mega vel á þetta allt saman! Skrapp svo á körfuboltaæfingu, og það er svoooo mikil skömm að vera geggjað hávaxin og kunna ekki neitt í körfu! Hvað er það eiginlega ömurlegt? Er örugglega á stærð við stelpurnar í landsliðinu, ef ekki stærri, og er ekki að nýta mér það neitt! Klárlega ekki nógu gott! Hafði einmitt ekki farið á körfuboltaæfingu síðan ég fór á æfingu heima á Egs og fékk dúndru í andlitið á fyrstu æfingunni og fékk sprungu í kinnbeinið! Hvað er það töff?? Hehe..

Fór á djammið í Reykjavík í fyrsta skipti ever um síðustu helgi. Tel að djamm i Reykjavíkurborg sé stórlega ofmetið! Vildi miklu frekar vera bara heima á litlu krúttlegu Hetjunni! En það er nú aldrei að vita nema maður skelli sér þangað eina góða helgi í vetur! :haha:

Er nú samt að spá að fara að segja þetta gott... er komin með algjöra ræpu hérna! :)

Endilega kvittiði svo maður sjái nú hverjir eru að líta hér inn!

-Hjördís Marta á Laugarvatni-

Allt að gerast

Wed, 24 May 2006 03:02:38 GMT

Það er alveg rosalega margt búið að gerast síðan ég skrifaði síðustu færslu!

Pétur Kjerúlf fannst. Nú horfir hann örugglega niður á okkur, skælbrosandi eins og hann var alltaf (kannski með Magnús) og með fjallmyndarlega vængi og skínandi skæran geislabaug. Ég vona að hann hafi það gott þar sem hann er núna, megi hann hvíla í friði!

Ég útskrifaðist. Hélt smá veislu hér heima og síðan héldum við Silla tryllt Júróvissjón-teiti niðri á Hetju. Vááá hvað það var gaman! Takk, öll þið sem komuð að djamma með okkur það kvöld! Þetta var snilldin ein! :haha:

Svo er ég á leiðinni til Salou á ekkiámorgunheldurhinn. Við Katrín, Pétur og Fanney Ósk stefnum á að leggja af stað um kl. 10 í fyrramálið til Reykjavíkur og fara á upphitun fyrir Hróarskeldu annaðkvöld með Óla Palla. Tónleikunum verður útvarpað eftir 10-fréttir fyrir þá sem vilja hlusta! :D Stefnum að sjálfsögðu á það að vinna miðana sem verða gefnir á staðnum ! Það væri sko ekki slæmt að vinna miða fyrir 2 á Hróarskeldu með flugi.. gæti boðið einhverjum með sér og svona... :haha:

Annars heyrumst við bara eftir 2 vikur fólk... þegar ég verð komin heim, súkkulaðibrún og sæt.. :)

Hjördís Marta 8)

Hróarskelda Baaaby!

Sun, 14 May 2006 23:41:59 GMT

Jæja... Það er allt að gerast!

Mín pantaði sér miða á Hróarskeldu áðan! Er ekkert smá spennt... á að vísu eftir að panta mér miðann sjálfan, en á flugfarið út er tilbúið! =)

Svo eru bara 11 dagar þar til ég held í útskriftarferð til Salou og verð þar sleeeeeiiiikjandi sólina í 2 heilar vikur með stafla af góðum vinum! Tóka tóka.. tóka tóka.. heeeyyy.. tóka tóka!

Svo 2 dögum eftir að ég kem heim frá Hróarskeldu fer ég til Belgíu í æfingabúðir með fimleikakrökkunum! :haha:

Þetta verður svo mikið snilldarsumar!!! :haha:

...hvað ætti maður að gera um verslunarmannahelgina?? :p